काठमाडौं २७, माघ ।  पाकिस्ताको विशेष सैन्य अदालतले आतंकवादी गतिविधिमा संलग्न सात जना विरुद्ध मृत्युदण्डको सजाय सुनाएको छ ।
सन २०१४ मा पेशावर स्कुलमा भएको आतंकवादी हमलामा संलग्न भएको पुष्टि भएसंगै उनीहरुलाई मृत्यु दण्डको सजाय सुनाइएको पाकिस्तानका सेना प्रमुख जनरल कमर जावेद बाजवाले जानकारी दिए ।

उक्त हमलामा विद्यार्थी सहित १५० जनाको मृत्यु भएको थियो । अदालतले सजाय सुनाएसंगै अब सातैजनालाई फाँसी दिइने सेनाले जनाएको छ ।