काठमाडौं ।  नेपाली कांग्रेसले ६ नं प्रदेशको संसदीय दलको नेतामा हुम्ला ख बाट निर्वाचित सांसद जीवनबहादुर शाही चयन भएका छन ।आज बसेको संसदीय दलको बैठकले शाहीलाई सर्वसम्मत दलको नेतामा चुनिएको जुम्लाका सांसद दिनबन्धु श्रेष्ठले जानकारी दिए ।

अन्य संसदीय दलका पदाधिकारी अब बस्ने संसदीय दलको बैठकबाट निर्णय गरिने उनले बताए । नेपाली कांग्रेसका तर्फबाट ६ नं प्रदेशको मुख्यमन्त्री उम्मेदवारी घोषणा गरी हुम्लाबाट प्रदेशसभामा निर्वा्चित शाही यो प्रदेशमा प्रत्यक्ष जित्ने एक्ला सांसद हुन् ।

पार्टीले अनपेक्षित हार व्यहोरेपछि उनले अहिले दलको नेतामा चित्त बुझाउनुपरेको छ । यो प्रदेशमा कांग्रेसका छजना प्रदेश सांसद रहेका छन् ।