चरिकोट। नेविसंघ दोलखाका नेता राजन बस्नेतले आफुले करिब डेढ बर्षदेखि खुत्रुकेमा जम्मा गरेको पैसा निकालेर सदरमुकाम चरिकोट स्थित एक विद्यालयका ३० जना अनाथ बालबालिकालाई झोला खरिद गरि वितरण गरेका छन् ।

उनले अविभावक विहीन, विपन्न र जेहेन्दार विद्यार्थीहरुलाई सहयोग गरेका हुन । उनले खुत्रुके फुटाएर मात्र झोला खरिदमा रकम नपुगेको भन्दैे आफूले विभिन्न कार्यक्रममा सहभागी भएबापत पाएको भत्ता खर्च समेत खर्चेर झोला खरिद गरेको बताए ।

उनी नेविसंघमा रहेर विभिन्न संघसस्थामा आवद्ध भई समाजसेवाको काममा सक्रिय छन् । बस्नेत नेविसंघ दोलखाका सहसचिव हुन ।