काठमाडौं ।

निर्वाचन आयोगले आउँदो बिहीबारसम्म राष्ट्रियसभा निर्वाचनको कार्यतालिका र कार्यक्रम सार्वजनिक गर्ने तयारी गरेको छ । निर्वाचन आयोगका प्रवक्ता नवराज ढकालले अबको एकरदुई दिनभित्रै निर्वाचनको कार्यक्रम र कार्यतालिका सार्वजनिक गर्नेगरी आयोगले तयारी गरिरहेको जानकारी दिए ।

उनले मतदाता नामावली संकलन, मतपत्रको ढाँचा, कर्मचारी व्यवस्थापनलगायतका निर्वाचन सन्चालन र व्यवस्थापनका काम भइरहेको जानकारी दिए । राष्ट्रपति विद्यादेवी भण्डारीले गत शुक्रबार राष्ट्रियसभा निर्वाचनसम्बन्धी अध्यादेश जारी गरेलगत्तै निर्वाचन आयोग राष्ट्रियसभा निर्वाचनको तयारीमा केन्द्रित रहेको हो ।सरकारले आगामी माघ २४ गतेका लागि राष्ट्रियसभा निर्वाचनको मिति घोषणा गरेको छ ।