काठमाण्डौ ।

मुगुको पश्चिम खत्याड गाउँपालिकामा ३ साता अघिदेखि फैलिएको भाइरल ज्वरोको कारण ४ जनाको मृत्यु भएको छ । समयमा उपचार नपाउँदा ४ जनाको मृत्यु भएको स्थानीयले बताएका छन् ।
जिल्लाको खत्याड गाउँपालीका वडा नं. १,२,३,४,५,६ र ७ का बिभिन्न गाउँ वस्तीहरुमा ६ सय भन्दा बढी मानिस भाइरल ज्वरोका कारण थला परेका छन् । गाउँमा मानिसहरु सयौँको संख्यामा बिरामी परेको भएपनि अmझैसम्म औषधि उपचार पाएका छैनन् ।
स्वास्थ्य चौकी गम्थामा बिरामीको चाप बढिरहेपनि स्वास्थ्य चौकीमा औषधि नहुँदा रोगले भयानक रुप लिन थालेको स्वास्थ्य चौकीका अहेब जयपृथ्वी डागरलले जानकारी दिए ।