काठमाडौं । चकाभ्रेको रोसी गाउँपालिका–३ मा यात्रुबाहक बोलेरो जिप दुर्घटना हुँदा चालकसहित ६ जनाको घटनास्थलमै मृत्युभएको छ । बनेपाबाट काभ्रेको डाँडागाउँ हिँडेको १८ जना यात्रु बोकेको बा १४ च ९५५६ नम्बरको जिप काभ्रे, शिखरअम्बोटेमाथि डाँडाबाट तल खोल्सामा खसेको प्रत्यक्षदर्शी भीम लामाले जानकारी दिए ।

दुर्घटनाको काभ्रेका प्रमुख जिल्ला अधिकारी शिवप्रसाद सिम्खडाले पनि पुष्टि गरेका छन् । उनले जिल्ला प्रशासनमा दुर्घटनाको खबर आएलगत्तै प्रहरी पचिालन गरी उद्धारको काम भइरहेको जानकारी दिए । दुर्घटनाग्रस्त जिप सडकबाट दुई सय मिटर तल खसेकाले हेलिकप्टर मार्फत उद्धारको प्रयास भइरहेको उनको भनाइ छ ।

प्रहरी पनि घटनास्थलतर्फ प्रस्थान गरिसकेको प्रमुख जिल्ला अधिकारी सिम्खडाको भनाइ छ । प्रत्यक्षदर्शीका अनुसार जिप सडकबाट निकै तल खसेकाले उद्धारका लागि कठिनाइ छ भने घाइते केहीलाई उपचारका लागि धुलिखेल लगिसकिएको छ ।