रामेछाप । रामेछापमा भएको बस दुर्घटनामा तीनजनाको ज्यान गएको छ । रामपुरबाट काठमाडौंको लागि छुटेको हिमाल तराई यातायातको बस रामेछाप नगरपालिका ८ को बिहीटार घुम्तीमा शुक्रबार बिहान दुर्घटना भएको हो ।

दुर्घटनामा रामेछाप नगरपालिका ८ का ५५ वर्षीय दीपककुमार श्रेष्ठ, बझाङको रायगाउँपालिकाकी २५ वर्षीया उमा खड्का र रामेछाप नगरपालिका ७ की बालकुमारी बस्नेतको ज्यान गएको प्रहरीले जनाएको छ ।

घाइते २० जनाको मन्थलीको तामाकोशी सहकारी अस्पतालमा उपचार भैरहेको प्रहरीले जनाएको छ । तीब्र गतिका कारण बस घुम्तीबाट तल खसेको प्रहरीको आशंका छ ।