काठमाडौं । वरिष्ठ अधिवक्ता दिनेश त्रिपाठीमाथि आक्रमण आरोपमा प्रहरीले थप एकजनालाई पक्राउ गरेको छ । पछिल्लोपटक पक्राउ पर्नेमा झापाको बुद्धशान्ति गाउँपालिका–४ घर भै काठमाडौं महानगरपालिका–३२, शान्तिनगरमा बस्दै आएकी ५५ कि सीतादेवी राई रहेको प्रहरीले जनाएको छ । योसँगै उक्त घटनामा पक्राउ पर्नेको संख्या तीन पुगेको छ ।

माघ २ गते स्वर्णलक्ष्मी सहकारी ठगी मुद्दामा काठमाडौं जिल्ला अदालतमा पीडितका तर्फबाट बहस गरेर फर्किदा उनी माथि कुटपिट भएको थियो । त्रिपाठीमाथि कुटपिट आरोपमा शनिबार प्रहरीले हुम्लाको अदानचुली गाउँपालिका–४ का ३२ वर्षीय महानन्द जैसीलाई र शुक्रबार प्रहरीले दोलखाको तामाकोसी गाउँपालिका–१ का ४८ वर्षीय ललितकुमार केसीलाई पक्राउ गरेको थियो ।