काठमाडौं । राष्ट्रिय स्वतन्त्र पार्टी (रास्वपा) ले सचिवालय सोमबार दिउँसो ४ बजे बस्नेगरी बैठक बोलाएको छ । भर्चुअल माध्यमबाट बस्ने बैठकमा पछिल्लो समसामयिक राजनीति र पार्टी सभापतिको कार्यबाहक जिम्मेवारी तोक्नेबारे छलफल हुने रास्वपाले जनाएको छ ।
रास्वपाको कार्यबाहक सभापतिमा डोलप्रसाद अर्याललाई बनाउने तयारी छ ।
जिल्ला प्रहरी कार्यालय कास्कीको हिरासतमा रहेका सभापति रवि लामिछानेमाथि आइतबार मुद्दा दर्ता भएको थियो भने आजबाट बयान सुरु भएको छ । मुद्दा दायर भएसँगै रविको सांसद पद निलम्बनमा पर्ने भएको छ ।