काठमाडौं । सोमबार नेपाली बजारमा सुनको मूल्य सामान्य रुपले उकालो लागेको छ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २०० रुपैयाँले बढेर १ लाख ४९ हजार ८०० रुपैयाँ कायम भएको हो।

यसअघि आइतबार छापावाल सुन १ लाख ४९ हजार ६०० रुपैयाँ कायम भएको थियो। साताको दोस्रो कारोबार दिन केही अंकले मूल्य बढेको हो ।

यस्तै, आज चाँदीको भाउ पनि तोलामा ५ रुपैयाँले बढेर तोलाको १७ सय ९५ रुपैयाँ कायम भएको छ।

आइतबार चाँदीको भाउ प्रतितोला १७ सय ९० रुपैयाँ कायम रहेको थियो ।