काठमाडौं । संगीतकार चक्रपाणि तिमल्सिनाले अभिनय गरेको स्वरूपराज आचार्यको स्वर रहेको ‘भन्दिनँ तिमीलाई म’गीतको म्युजिक भिडियो सार्वजनिक भएको छ । तिमल्सिनाको शब्द अनि संगीत रहेको गीतको संगीतसंयोजन गोविन्दमधुर आचार्यले गरेकाहुन् ।
म्युजिक भिडियोमा तिमल्सिना आफैं र नायिका रेजिना उप्रेती र डिल्ली पोखरेलले अभिनय गरेका छन् । म्युजिक भिडियोलाई सुब्रत आचार्यले निर्देशन गरेका हुन्। उत्सव दाहालको छायांकन गरेको भिडियोलाई विष्णु खड्काले सम्पादन गरेका हुन् । तिमल्सिनाकी श्रीमती बबिता खनालले पनि गीत लेख्छिन् । यसैगरी तिमल्सिनाकी छोरी समृद्धि तिमल्सिनाले पनि गीत गाउने गर्छिन् । उनी नेपालको प्रथम बाल गजल गायिका पनि हुन् ।समृद्धिले प्रसिद्ध गीतकार तथा गजलकार लोकराज अधिकारीले लेखेको भएपनि अफगान छातीभरि दुख्छ देश बोलको गजल११ वर्षको उमेरमा रेकर्ड गराएर सार्वजनिक गरेकी हुन् ।