काठमाडौं । नेपाल विज्ञापन संघको अध्यक्षमा सुदीप थापा निर्वाचित भएका छन् । एएनएस क्रियसनका थापा संघको अध्यक्षमा निर्विरोध निर्वाचित भएका हुन् ।
संघको निर्वाचन समितिको सचिवालयले सार्वजनिक गरेको अन्तिम नामावलीअनुसार थापा उक्त पदमा निर्वाचित भएका हुन् । यससँगै अब बन्ने संघको नयाँ कार्यसमितिको नेतृत्व थापाले गर्नेछन् ।

कोषाध्यक्ष र सदस्यबाहेक अन्य पदमा उम्मेदवारी दिएकाहरू निर्विरोध निर्वाचित भएका छन् ।
प्रथम उपाध्यक्षमा आउटरिच नेपालका उजय शाक्य र द्वितीय उपाध्यक्षमा प्रिज्मार्क मार्केटिङका पंकजलाल प्रधान निर्विरोध निर्वाचित भएका छन् ।
महासचिवमा फ्युचर हब मिडिया मल्टिपर्पाेजका कृष्णप्रसाद घिमिरे र सहकोषाध्यक्षमा अरुणकाजी स्थापित निर्वाचित भएका छन् । काजी मिडिया टाइम्सका हुन् ।
कोषाध्यक्ष पदका लागि दुई जनाको उम्मेदवारी दर्ता भएको छ । जसमा जिरो मिडियाका जीवन पोख्रेल र ज्वाइन मिडिया हाउसका साजन श्रेष्ठ रहेका छन् । यता सचिवमा पब्लिक एडभरटाइजिङका सन्तोष खड्का निर्विरोध निर्वाचित भएका छन् ।