काठमाडौँ । राष्ट्रियसभा निर्वाचनबारे छलफल गर्न सत्ता गठबन्धनको बैठक बस्ने भएको छ । यसबारे प्रमुख प्रतिपक्षी नेकपा एमालेसंग पनि सत्ता गठबन्धनले छलफल गर्ने भएको छ । साँझ ५ बजे गठबन्धन सम्बद्ध कांग्रेस, माओवादी, एकीकृत समाजवादी, जसपाका साथै एमालेसहितको बैठक बस्ने तय भएको छ ।

आज बिहान कांग्रेस र माओवादी केन्द्रका शीर्ष नेताको छलफलमा दिउँसो ३ बजे गठबन्धन बैठक गरेर साँझ एमालेसहितको बैठक बोलाउने सहमति भएको हो । मंगलबार र बुधवार बिहान बसेको कांग्रेस र माओवादी केन्द्रको बैठकमा राष्ट्रियसभा निर्वाचनमा एमालेलाई साथमै लिएर जाने विषयमा छलफल भएको थियो । एमालेलाई तीन–चार सिट दिएर जाने विषयमा कांग्रेस र माओवादीबीच को छलफल भएको बताइएको छ ।