काठमाडौं । रुसी सेनामा भर्ना भएका थप तीन नेपालीको मृत्यु भएको छ ।
रुस–युक्रेन युद्धमा रुसी सेनामा भर्ना भएका स्याङ्जाका हरि अर्याल, कैलालीका भरत शाह र धादिङका राजकुमार गिरीको र मृत्यु भएको मस्कोस्थित नेपाली दूतावास श्रोतले जनाएको छ ।
रुसी सेनामा भर्ती भई रुस–युक्रेन युद्धमा यसअघि सात नेपालीको मृत्यु भइसकेको छ । रुसी सेनामा भर्ती भएका चार नेपालीलाई युक्रेनी सेनाले नियन्त्रणमा लिई युद्धबन्दी बनाएको छ । रुसी सेनामा कति नेपाली भर्ती भएका छन् भन्ने यकिन विवरण नेपाल सरकारसँग छैन ।