काठमाडौं । संक्रमणकालीन न्यायसम्बन्धी विधेयकबारे प्रमुख दलका शीर्ष नेताबीच बालुवाटारमा छलफल भएको छ । आइतबार नेकपा (माओवादी केन्द्र)का अध्यक्ष तथा प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र नेकपा (एमाले)का अध्यक्ष केपी शर्मा ओलीबीच बिधेयकबारे छलफल भएको हो ।

नेताहरुबीच बेपत्ता पारिएका व्यक्तिको छानबिन, सत्य निरुपण तथा मेलमिलाप आयोग (तेस्रो संशोधन) विधेयकमाथि भएका छलफल र नमिलेका विषयबारे बैठकमा छलफल भएको र आगामी संसद् अधिवेशनबाट विधेयक पारित गर्ने कुरा भएको थियो ।