काठमाडौँ । नेपाली कांग्रेसको महासमिति बैठक तेश्रोे पटक सरेको छ । अब फागुन ७ गतेदेखि १० गते सम्म महासमिति बैठक गर्ने कांग्रेसले निर्णय गरेको छ । शुक्रवार बसेको कांग्रेस केन्द्रीय कार्यसम्पादन समितिको बैठकले महासमिति बैठक फागुनमा गर्ने निर्णय गरेको हो ।
कांग्रेसले यसअघि मंसिरमा तय भएको दुइवटा मिति सारेर महासमिति बैठक पुस १६ देखि १९ सम्म गर्ने निर्णय गरेकोमा त्यसलाई पुनः परिवर्तन गरेको हो ।
राष्ट्रिय सभा निर्वाचन र जाडो मौसमलाई कारण देखाउँदै कांग्रेसले महासमिति बैठक सारेको हो पुसको जाडोमा जिल्ला–जिल्लाबाट सदस्य आउन गा¥हो हुने भन्दै फागुनमा बैठक सार्न सभापति शेरबहादुर देउवाले पदाधिकारी बैठकमा प्रस्ताव गरेका थिए ।