काठमाडौँ । बाँकेको जानकी गाउँपालिकामा गोली चलेको छ । प्रहरीले गोली हानेर ज्यान मार्ने उद्योग कसुरमा संलग्न बैजनाथ गाउँपालिका घर भएका ३१ वर्षीय आकाश रानालाई नियन्त्रणमा लिएको हो ।
प्रहरीको खोजी सुचीमा रहेका रानालाई पक्राउ गर्न खोज्दा भागेपछि गोली चलाएर नियन्त्रणमा लिइएको बाँके प्रहरीले जनाएको छ ।
तिहारको टीकाको दिन कोहलपुरमा मिनबहादुर विकलाई खुकरी प्रहार गरी गम्भीर घाइते बनाएर भागेका उनलाई प्रहरीले खोजीरहेको थियो । राना लागुऔषध मुद्दामा ५ वर्ष जेल बसेर छुटेका थिए ।