आईसीसी एकदिवसीय विश्वकप क्रिकेटमा अफगानिस्तानले लगातार तेस्राे जित निकालेकाे छ । आज शुक्रवार लखनउमा भएकाे खेलमा अफगानिस्तानले नेदरल्यान्ड्सलाई ७ विकेटले हरायाे ।

नेदरल्यान्डसले दिएकाे १ सय ८० रनकाे लक्ष्य अफगानिस्तानले ३१ ओभर ३ बलमा ३ विकेट गुमाएर भेटायाे । अफगानिस्तानका कप्तान हश्मतुल्लाह शाहिदीले नटआउट ५६ रन बनाए । यस्तै रहमत शाहले ५२ रन बनाए । बलिङतर्फ नेदरल्यान्ड्सका लाेगन भाव बीक, राेल्फ भान डेर मेरवे र सकिब जुल्फिकरले समान १ विकेट लिए ।

यसअघि लखनउमा टस जितेर ब्याटिङ गरेकाे नेदरल्यान्ड्स ४६ ओभर ३ बलमा १ सय ७९ रनमा समेटियाे । नेदरल्यान्ड्सका साइब्रान्ड एन्गेलब्रेक्टले सर्वाधिक ५८ रन बनाए । यस्तै म्याक्स ओडाउडले ४२ र काेलिन एकरमानले २९ रन जाेडे । बलिङतर्फ अफगानिस्तानका माेहम्मद नाबीले ३ र नूर अहमदले २ विकेट लिए ।

याे जितसँगै ७ खेलमा ८ अङ्कसहित तालिकाकाे पाँचाैँ स्थानमा उक्लिएकाे छ । अफगानिस्तानकाे सेमिफाइनल पुग्ने सम्भावना कायमै छ । नेदरल्यान्ड्स उति नै खेलमा ४ अङ्कसहित आठाैँ स्थानमा छ ।