काठमाडौं । त्रिदेशीय टी–ट्वान्टी अन्तर्राष्ट्रि क्रिकेट सिरिजको उपाधीका लागि भोलि शुक्रबार नेपाल र यूएईबीच खेल हुने भएको छ । फाइनल खेल शुक्रबार बिहान ११ बजे कीर्तिपुरस्थित त्रिवि क्रिकेट मैदानमा हुने छ ।

समूह चरणको अन्तिम खेलमा बुधवार यूएई हङकङसँग ६९ रनले पराजित भएको थियो । दुवै टोलीले समूह चरणमा चार खेलबाट दुई–दुई अंक जोडे पनि रनरेटका आधारमा यूएईले फाइलनमा नेपाल संगको भेट पक्का गरेको हो । काठमाडौंको मूलपानी क्रिकेट मैदानमा हङकङले दिएको २ सय १३ रनको लक्ष्य पछ्याएको यूएई निर्धारित २० ओभरमा ५ विकेट गुमाएर १ सय ४३ रनमा समेटिएको थियो ।