काठमाडौं । आज इजरायल जान लागेको जहाजले नेपाली बिद्यार्थीको शवहरु नल्याउने भएको छ । विभिन्न प्रोटोकलहरु पूरा गर्नुपर्ने भएकाले आज जाने जहाजबाट शव ल्याउन सम्भव नभएको परराष्ट्र मन्त्रालयले जनाएको छ ।

पत्रकार सम्मेलनमा मन्त्रालयकी प्रवक्ता सेवा लम्सालले यस्तो जानकारी दिएकी हुन् ।
उद्धारका लागि नेपाल एयरलाइन्सको २५० सिट भएको जहाज आज राति इजरायल जाँदै छ । यसैबीच इजरायलमा उपचाररत दुई नेपाली डिस्चार्ज भएका छन् । इजरायलमा रहेका नेपालीमध्ये २८० जना स्वेश फर्किन इच्छुक रहेको सरकारले जनाएको छ ।

सरकारले इजरायलमा सम्पर्कविहीन भएका विपीन जोशीको खोजी कार्यमा इजरायल सरकारले प्राथमिकताका साथ गरिरहेको पनि जानकारी गराएको छ ।