काठमाडौँ । नेकपा एमाले बागमती प्रदेश कमिटीको प्रथम अधिवेशन सुरु भएको छ । भृकुटीमण्डपस्थित राष्ट्रियसभा गृहमा अध्यक्ष केपी शर्मा ओलीले रिमोर्टमार्फत ड्रोन उडाएर र दीप प्रज्वलन गरेर अधिवेशनको उद्घाटन गरेका छन् । प्रथम अधिवेशनमा सम्बोधन गर्दै नेकपा एमालेका महासचिव शंकर पोखरेलले एमालेको ध्यान सरकार परिवर्तन नभएर बलियो राष्ट्रिय शक्तिका रुपमा पार्टीलाई सुदृढ गर्नेमा केन्द्रित भएको बताएका छन् । उनले मुलुक चरम आर्थिक संकटबाट गुज्रिरहेको भन्दै यो संकटबाट मुलुकलाई बाहिर निकाल्न एमालेबाहेक अरू कसैले नसक्ने दाबी गरे । 

उनले नेपाली समाजका मौलिक संस्कृतिमाथि प्रहार गर्ने, जातीजातीलाई विभाजित गर्ने दुष्प्रयास गरेको भन्दै यस्तो अवस्थामा राष्ट्रिय हितलाई अघि बढाउने पार्टी नेकपा एमालेमात्र रहेको दाबी गरे ।