बुटवल । नेकपा एमालेको लुम्बिनी प्रदेश अध्यक्षमा राधाकृष्ण कँडेल विजयी भएका छन् ।

हालै सम्पन्न भएको निकै चर्को आन्तरिक प्रतिस्पर्धामा कँडेल दुई मतले मात्रै विजयी भएका हुन् । 

निर्वाचन समितिका अनुसार बुटवलको अन्तर्राष्ट्रिय सभा हलमा सम्पन्न मत परिणाम अनुसार अध्यक्षका अर्का प्रत्याशी हरि रिजाललाई २ मतले पराजित गर्दै कँडेल विजयी भएको घोषणा गरिएको छ ।

विजयी कँडेलले ४७९ मत प्राप्त गर्दा पराजित भएका अर्का प्रतिस्पर्धी रिजाल भने ४७७ मत मात्रै प्राप्त गरेर अध्यक्ष हुन वाट वञ्चित हुनु परेको छ ।