साथी बाल्टिमोरको आयोजनामा हुने साथी कप क्रिकेट प्रतियोगिताको ट्रफी तथा जर्सी सार्वजनिक गरिएको छ । शनिवार वाट हुने प्रतियोगिताको उपाधि जित्ने टिम र उपविजेताले पाउने ट्रफी सार्वजनिक गरिएको हो ।

बाल्टिमोरमा आयोजना भएको कार्यक्रममा साथी कपको ट्रफी र टिमहरूको जर्सी सार्वजनिक गरिएको हो । पाँच हजार डलर पुरस्कार राशि रहेको प्रतियोगितामा १२ टिमको सहभागिता रहेको छ । जसमा पहिलो दिन दुई खेल हुनेछन् ।

तीन दिनसम्म चल्ने प्रतियोगिताको पहिलो दिन लिग चरणका खेल हुनेछन् जसमा पहिलो दिन ६ वटा खेलहरू हुनेछन् । आयोजकले सहभागी १२ टिमलाई चार समूहमा विभाजन गरेका छ । जसमा लिग चरणमा हरेक समूहमा शीर्ष स्थानमा रहने टिमले सेमिफाइनलमा प्रवेश गर्नेछन् । अनेस्ट रियल स्टेट र स्टिम बिल्डर्सको मुख्य प्रायोजन गरेको प्रतियोगिताको विजेताले ५ हजार डलर पाउँदा उपविजेताले तीन हजार डलर पाउनेछ ।

प्रतियोगिताको सम्पूर्ण तयारी पुरा भएको आयोजकले जनाएको छ । प्रतियोगिताका लिग चरणका खेलहरू दुई वटा मैदानमा हुनेछ । हा वार्ड काउन्टीमा रहेको स्कोले मिल पार्कमा हुने प्रतियोगिताका लागि सबै टिमहरू बाल्टिमोर पुगिसकेका छन् ।

साथी बाल्टिमोरले यसअघि आयोजना गरेको दुई संस्करणको च्याम्पियन एभरेस्ट लायन्स रहेको छ । यो पटक उसलाई उपाधिमा ह्याट्रिक गर्ने अवसर रहेको छ भने नयाँ टिम पनि पहिलो पटक उपाधि जित्ने लक्ष्यमा हुनेछन् । प्रतियोगिताको पहिलो दिन हन्टर्स ब्याईज र बाल्टिमोर एथ्लेटिक क्लब, बोस्टन अलस्टार्स र फार वेष्टन क्रिकेट क्लब, साथी बाल्टिमोर क्रिकेट क्लब र ह्यारिसबर्ग गुर्खाज, विनचेन्टर युनाइटेड र बोस्टन अल स्टार्स ब्लु बिच खेल हुनेछ ।

पहिलो दिन नै बाल्टिमोर एथ्लेटिक क्लब र आफ्नो दोस्रो खेलमा मेरिल्याण्ड क्र्याङसँग खेल्नेछ भने फारवेष्टनले हिमालयन किंग्ससँग खेल्नेछ । प्रतियोगिताको दोस्रो दिन अर्थात् आइतबार पनि लिग चरणका खेल हुनेछन् । सोमबार सेमिफाइनल र फाइनल हुनेछ ।