काठमाडौं । गायिका कोपिला गौतम र जानु कुवरको स्वरमा रहेको मौलिक तीज गीत ‘तीजै आयो लैबरी लै ’ सार्बजनिक भएको छ । गत शुक्रवार गौतमकै अफिसियल च्यानलबाट सार्बजनिक भएको गीतमा प्रसिद्ध गीतकार लोकराज अधिकारीका शब्द रहेका छन् । गीतको संगीत र संगीत संयोजन गोविन्द मधुर आचार्यले गरेका हुन् । कृष्ण पुनले मिक्स मास्टरिङ गरेको गीतको रेकर्डिङ बिजय मगरले गरेक हुन् । मोडल अन्जली अधिकारी र टिका जैशीको अभिनय रहेको गीतको म्यूजिक भिडियोलाई राम केसीले खिचेका हुन् । लक्ष्मण चौहानले सम्पादन गरेको भिडियोलाई मिलन बिश्वकर्माले रंग संयोजन गरेका हुन् ।

भिडियोका कोरियोग्राफि तथा निर्देशन बिक्रम चौहानले गरेका हुन् । गायिका कोपिला गौतमले यस अघि पनि थुप्रै लोक दोहोरी गीत गाएकी छन् । हरेक तिजमा गीत निकाल्ने कोपिलाले मौलिकतामा जोडदिने गरेकी छन् । यस अघि पनि गीतकार अधिकारी संगीतकार आचार्य र गायिका गौतमको सहकार्यमा ‘आमाले पकाएको दर ’ बोलको मौलिक तीज गीत सार्बजनिक भैसकेको छ ।