काठमाडौँ । आन्दोलनरत मिटरब्याजी पीडितहरुले आफ्नो धर्ना कार्यक्रम जारी राख्ने चेतावनी दिएका छन् ।

तराईका विभिन्न जिल्लाबाट आएर काठमाडौँको शान्तिबाटिकामा उनीहरुले धर्ना जारी राखेका हुन् ।

उनीहरुले तराईका नवलपरासी, महोत्तरी, सर्लाही लगायत विभिन्न जिल्लाबाट दोस्रो चरणमा समूहमा आएका धर्नालाई निरन्तरता दिएका छन् ।
आज सञ्चारकर्मीहरुसँग कुरा गर्दै उनीहरुले आफ्नो माग पूरा नहुन्जेल आन्दोलन जारी राख्ने चेतावनी दिएका हुन् ।

मिटरब्याजी पीडितले राजनीतिक रूपमा दृष्टिबन्धक, तमसुक, छिनुवा र चेक बाउन्स अवैध घोषणा हुनुपर्ने बताए का छन् । सबै कुराको क्षतिपूर्ति व्यहोर्नुपर्ने बताएक छन् ।

अहिले सबैभन्दा ठूलो समस्या मुद्दा परिरहेकाले मुद्दा स्थगित हुनुपर्ने र मुद्दा छिनोफानो भइसकेको भए पुनरावेदन हुनुपर्ने, पक्राउ पुर्जी रोक्नुपर्ने माग आफूहरूको रहेको बताए । उनीहरुले जेलमा भएका पीडितहरुलाई ससम्मान रिहा गर्नुपर्ने बताए ।