एजेन्सी । सुडानमा गत शनिबारदेखि सुरु भएको द्धन्द्धका कारण ४ सय १३ जनाको मृत्यु भएको छ । भने कयौं मानिस विस्तापित भएका छन् ।

३ हजार ५ सय ५१ जना घाइते भएको शुक्रबार विश्व स्वास्थ्य संगठन (डब्लूएचओ) ले जानकारी गराएको हो ।

सुडानका सेना प्रमुख अब्देल फत्ताह अल बुरहान र उनका सहयोगी शक्तिशाली अर्धसैनिक र्यापिड सपोर्ट फोर्सेज (आरएसएफ) का कमाण्डर मोहम्मद हमदान डग्लोबीच झडप भएको हो ।

आई ओएमका महानिर्देशक एन्टोनियो भिटोरिनोले जारी गरेको एक विज्ञप्तिमा एल ओबेद दक्षिणमा आफ्नो परिवारसँग यात्रा गरिरहेको एक गाडी दुई द्वन्द्वरत पक्षबीच भएको भिडन्तमा फसेपछि आईओएम सुडानका एक समर्पित कर्मचारीको मृत्यु भएको पुष्टि गरिएको उल्लेख छ ।

साथै संयुक्त राष्ट्रसंघीय आप्रवासन निकायले दक्षिणी सुडानमा शुक्रबार भएको भिडन्तमा आफ्ना एक कर्मचारीको मृत्यु भएको जनाएको छ ।

अन्तर्राष्ट्रिय आप्रवासन संगठन (आइओएम) मा कार्यरत ति मानवीय सहायताकर्मी सुडानमा शनिबार भएको द्वन्द्वपछि मृत्यु भएका संयुक्त राष्ट्रसंघका चौथो कर्मचारी हुन् ।

पूर्वी सुडानको उत्तरी डार्फर क्षेत्रमा विश्व खाद्य कार्यक्रम (डब्लुएफपी) का तीन जना कर्मचारीको हत्या भएको छ ।