काठमाडौं । नेकपा माओवादी केन्द्रका नेता वर्षमान पुनकी आमा तीर्थमाली पुनको प्रहरी हवल्दार प्रकाश पुनले आफूले नियतवश गोली नचलाएका बताएका छन् ।

शनिबार बिहान प्रहरी प्रधान कार्यालय नक्सालमा सोधपुछ गर्ने क्रममा प्रकाशले गल्तीले गोली चलेको बताएको प्रहरीले बताएको हो ।

शुक्रबार नयाँ वर्षको अवसरमा गैरीधारामा तीर्थमाली बस्ने घरमा पारिवारिक जमघट भएको थियो । त्यसक्रममा शुक्रबार राति साढे ९ बजे एक्कासी घरमा गोली चलेको थियो ।

मादक पदार्थ सेवन गरेकाकारण प्रकाशको पेस्तोलबाट एक्कासी गोली तीर्थमालीको खुट्टामा लागेको प्रहरीले जनाएको छ ।

गोली लागेर घाइते हुनु भएकी तीर्थमालीको वीर अस्पतालको ट्रमा सेन्टरमा उपचार भइरहेको उपत्यका प्रहरी कार्यालय रानीपोखरीले जनाएको छ ।