काठमाडौं – काठमाडौंको नयाँबानेश्वरस्थित संसद भवन अगाडि एक व्यक्तिले गरेकाे आत्मदाहको प्रयासलाई प्रहरीले विफल पारेकाे छ। संसद भवनको एक नम्बर गेट अगाडि एक जनाले पेट्रोल खनाएर आगो लगाउन खोजेका थिए ।

प्रहरीका अनुसार  ती युवकले ट्रली बसको कार्यालय अगाडि बसेर पेट्रोल खन्याएका थिए। उनलाई प्रहरीले नियन्त्रणमा लिएकाे छ । आत्मदाहकाे प्रयास गर्ने युवककाे पहिचान खुलेकाे छैन ।

काठमाडौं प्रहरी प्रमुख दानबहादुर कार्कीले प्रारम्भिक अनुसन्धानका क्रममा पारिवारिक कारणले आत्म दाहको प्रयास गरेको देखिएको बताए।केही महिनाअघि संसद भवनअघि एक पुरुषले आत्मदाह गरेका थिए। उनकाे उपचारका क्रममा मृत्यु भएको थियो।