काठमाडौं । सहिद स्मारक एु डिभिजन लिग फुटबलमा मनाङ मर्स्याङदी क्लबले सहज जित निकालेको छ ।

च्यासल मैदानमा आज मनाङले फ्रेन्ड्स क्लबलाई २–० गोल अन्तरले हराएको हो । मनाङको जितमा कोफी टिमोथी कुदोले दुई गोल गरेका छन् ।

खेलको ३४ औं मिनेटमा कोफीले गोल गर्दै मनाङलाई सुरुआती अग्रता दिलाएका थिए ।

त्यसपछि खेलको ५२ औं मिनेटमा कोफीले व्यक्तिगत दोस्रो गोल गर्दै मनाङलाई २–० को जित दिलाए ।

जितसँगै मनाङ अंक तालिकाको शीर्ष स्थानमा उक्लिएको छ । मनाङको यो चौंथो जित हो ।

मनाङले ६ खेलमा १४ अंक जोडेको छ । फ्रेन्ड्स ४ अंक जोडेर १२ औं स्थानमा रहेको छ ।