एजेन्सी । बंगलादेशको राजधानी ढाकास्थित बंगबजार आज भीषण आगलागी भएको छ ।

आज बिहान ६ बजेतिर बंगबजार मार्केटमामा आगलागी भएको हो । आगो नियन्त्रण गर्नका लागि ४७ वटा दमकल प्रयोग गरिएको जनाइएको छ ।

प्रत्यक्षदर्शीका अनुसार केही ब्यापारीहरुले आफ्ना सामान बाहिर निकालेर सुरक्षित स्थानतर्फ गएको देखिए पनि केहीले आफ्ना सामान जोगाउन नसकेको जनाइएको छ ।अहिलेसम्म मानवीय क्षति भने नभएको जनाइएको छ।

इन्टर सर्भिसेज पब्लिक रिलेसन्स (आईएसपीआर) ले आगो नियन्त्रणका लागि एक हेलिकोप्टरसहित बंगलादेशका स्थल र वायु सेनाको संयुक्त टोली समेत खटाएको छ।

प्रत्यक्षदर्शीका अनुसार बजारका पसलका सञ्चालकले आगलागीको खबर सुन्ने बित्तिकै सामान हटाइएको छ ।