काठमाडौँ – अखिल नेपाल फुटबल संघ (एन्फा)ले आउँदो फागुन पहिलो साता फुटबलसम्बन्धी प्रदर्शनी गर्ने भएको छ ।

एन्फाले फागुन ४ र ५ गते सातदोबाटोस्थित एन्फा मुख्यालयमा नेपाली फुटबल इतिहासमै पहिलोपटक फुटबल प्रदर्शनी गर्न लागेको हो ।

प्रदर्शनीमा सहिद स्मारक ‘ए’, ‘बी’ र ‘सी’ डिभिजन लिगका क्लबहरूले स्टल राखेर क्लबसँग सम्बन्धित जर्सी, फुटबल सामग्रीहरू बिक्री गर्न पाउने र उपाधिहरू प्रदर्शनमा राख्न पाउनेछन् ।

एन्फाले यस प्रदर्शनीमा व्यावसायिक घराना र सेलिब्रिटी कलाकारहरूलाई पनि समेट्ने जनाएको छ । यस्तै, खेलकुद व्यवस्थापन विषय लिएर पढेकाहरूले अनुभव र सुझावहरू साट्न पनि प्रदर्शनी फलदायी हुने जनाइएको छ ।