काठमाडौं – संयुक्त राज्य अमेरिकाका राजनीतिक मामिलासम्बन्धी अमेरिकी उपविदेशमन्त्री भिक्टोरिया नुल्यान्ड आज काठमाडौँ आइपुगेकी छिन् । दुईदिने नेपाल भ्रमणका क्रममा उनले उच्चस्तरीय राजनीतिक भेटवार्ता गर्ने  अमेरिकी राजदूतावासले जनाएको छ ।

नेपाल बसाईका क्रममा भिक्टोरियाले प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, नेकपा एमाले अध्यक्ष केपी शर्मा ओलीलगायतका शीर्ष नेतासँग भेटने कार्यक्रम छ।

उनले परराष्ट्रमन्त्री विमला पौड्यालसँग पनि भेटवार्ता गर्नेछिन्। नेकपा माओवादी केन्द्रका अध्यक्ष दाहाल प्रधानमन्त्री बनेपछि भिक्टोरियाको भ्रमण नै उच्चस्तरीय कुटनीतिज्ञको पहिलो नेपाल भ्रमण हो।