काठमाडौं – सर्वोच्च अदालत परिसरमा सुरक्षा व्यवस्था थप कडा बनाइएको छ । गृहमन्त्री रवि लामिछानेको नागरिकता विवादको रिटमा सुनुवाइ सकिएसँगै प्रहरीले आवश्यकता अनुसार सुरक्षा तैनाथ बढाएको प्रहरी परिसर काठमाडौंका एसपी दिनेश मैनालीले बताए ।

सर्वोच्चमा प्रहरी उपरीक्षकको नेतृत्वमा सुरक्षाकर्मीको टोली नियमित रहने गरेको छ । तर, केही बेरअघिबाट अदालतमा जिल्ला प्रहरी परिसर काठमाडौं तथा प्रहरी वृत्त सिंहदरबारबाट थप टोली खटाइएको छ ।

सुनुवाइ सकिएपछि अहिले न्यायाधीशहरू फैसलाका विषयमा छलफलमा जुटेका छन् । आज नै संक्षिप्त आदेशसहित निर्णय सुनाउने वा निर्णय सुनाउने कुनै मिति तोक्नेबारे कुनै तय भएको छैन ।