इटालियन सुपर कप फुटबलको उपाधि इन्टर मिलानले जितेको छ ।

आज विहान सकिएको फाइनल खेलमा एसी मिलानलाई ३–० गोल अन्तरले पराजित गर्दै इन्टरले उपाधि जितेको हो ।

इन्टरलाई जिताउन फेडेरिको डिमार्को, इडेन जेको र लाउटरो मार्टिनेजले १–१ गोल गरेका थिए ।

खेलको १० औं मिनेटमा फेडेरिकोले गोल गर्दै इन्टरलाई अग्रता दिलाएका थिए ।

उनले निकोलो बरेलाको पासमा गोल गरेका थिए । सुरुदेखि एसीमिलानमाथि हावी देखिएको इन्टरले २१ औं मिनेटमा अग्रता दोब्बर बनाएको थियो ।

टिमका लागि दोस्रो गोल इडेन जेकोले २१ औं मिनेटमा गरेका थिए ।

एलेजेन्ड्रो वास्टोनीको पासमा उनले गोल गरेका थिए ।  पहिलो हाफामा २ गोल गरेको इन्टर मिलानले दोस्रो हाफमा १ गोल थपेको थियो ।

७७ औं मिनेटमा लाउटरो मार्टिनेजले मिलियन क्रिनिकरको पासमा गोल गर्दै ३–० को जित पक्का गराए ।

इन्टर मिलानले अहिलेसम्म सात पटक सुपर कपको उपाधि जितेको छ ।