काठमाडौँ – नेपाल टी–ट्वान्टी लिगमा पोखरा एभेन्जर्सले तेस्रो जित निकालेको छ । सोमबार टियु मैदानमा भएको खेलमा पोखराले काठमाडौं नाइट्सलाई पराजित गर्दै लगातार तेस्रो जित दर्ता गरेको हो ।

काठमाडौैले दिएको १ सय ६५ रनको लक्ष्य पोखराले १९.४ ओभरमा ५ विकेट गुमाएर पुरा गर्यो । पोखराको जितमा उपुल थरंगा र सुमित मर्हजनले अर्धशतक बनाए । मर्हजन रनमा ७६ मा आउट हुँदा रहँदा थरंगा ५८ रनमा आउट भए । महर्जनले ७ चौका र ३ छक्काको सहयोगमा ७६ रन बनाएका थिए । कुशल मल्ल १४ रनमा अविजित रहे । काठमाडौंका लागि कमल सिंह ऐरीले ३ तथा अबिनाश बोहोरा,अनिल खरेलले समान १÷१ विकेट लिए ।

त्यसअघि पहिले ब्याटिङ गरेको काठमाडौंले २० ओभरमा ४ विकेट गुमाएर १ सय ६४ रन बनाएको थियो । काठमाडौंका एलेक्स ब्लेकले बिष्फोटक ब्याटिङ गरेका थिए ।

काठमाडौंका लागि एलेक्स ब्लेकले २८ बलमा ६४ रनको अर्धशतकीय ईनिङ खेले । उनले २३ बलमा अर्धशतक बनाएका हुन् । यस प्रतियोगितामा नै यो सर्वाधिक छिटो अर्धशतक हो ।

उनले ३ चौका र ७ छक्का प्रहार गरे । सुनाम गौतमले ४५ तथा विरनदिप सिंहले ३२ रन बनाए । पोखराका लागि तुलबहादर थापाले २ तथा प्रतिस जिशि र कुशल मल्लले समान १÷१ विकेट लिए ।

६ खेल खेलेर ३ जित तथा ३ हार हात पारेर ६ अंक सहित काठमाडौं अंक तालिकाको तेस्रो स्थानमा कायमै रहेको छ । आठ खेलमा तीन जित हात पारेको पोखरा ६ अंक सहित अंक तालिकाको चौथो स्थानमा रहेको छ ।