काठमाडौँ – नेपाली कांग्रेसको लुम्बिनी प्रदेशको संसदीय दलको नेतामा डिल्लीबहादुर चौधरी सर्वसम्मत चयन भएका छन् ।

कांग्रेसबाट निर्वाचित प्रदेशसभा सदस्यहरुको दाङको देउखुरीमा सोमबार बिहान भएको भेलाले चौधरीलाई सर्वसम्मत दलको नेतामा चयन गरेको कांग्रेस प्रदेश सभापति अमरसिंह पुनले बताए । तर घोषणा हुन बाँकी छ ।

कांग्रेसले प्रक्रिया पूरा गरेर घोषणा गर्ने जनाएको छ । चौधरीले पनि साथीहरुले सर्वसम्मत समर्थन जनाउनु भएको तर औपचारिक घोषणा गर्न बाँकी रहेको जानकारी दिए ।