मेक्सिकोको सीमावर्ती सहर जुआरेजमा रहेको जेलभित्र बन्दुकधारीले गोली चलाउँदा  १४ जनाको मृत्यु भएकाे छ । आक्रमणमा मारिनेमा १० सुरक्षाकर्मी र चार जना कैदी रहेको बताइएकाे छ । १३ जना घाइते भएका छन् र कम्तीमा २४ जना भागेकाे बताइएकाे ५ ।

यद्यपी आक्रमण कसले गराएको हो भन्ने खुल्न सकेको छैन । एक प्रहरी प्रवक्ताले प्रारम्भिक अनुसन्धानले स्थानीय समय अनुसार बिहान ७ बजे आक्रमणकारीहरू सशस्त्र गाडीमा जेलमा आएर गोली चलाएको बताए।

अधिकारीहरुका अनुसार कारागारमा रहेका कैदीबन्दीहरु आफ्नो परिवारलाई भेट्ने बेला भएको थियो । यसैबीचमा बिहान ७ बजेतिर केही बन्दुकधारी गाडीमा कारागारभित्र प्रवेश गरी सुरक्षाकर्मीमाथि गोली प्रहार गरेका थिए । आक्रमणपछि डरका कारणा २४ जना कैदी जेलबाट भागेका छन् ।