लामो समय देखि बन्द रहेको नेपाल चिन नाका अन्तरगत पर्ने रसुवागढी नाका खुलेको छ। नाका खुलेकै दिन नेपालबाट ५० लाख ७० हजार मूल्य बराबरको वस्तु निर्यात भएको रसुवा भन्सार कार्यालयका प्रमुख भन्सार अधिकृत नारायण प्रसाद भण्डारीले बताएका छन् ।

आठ ट्रक सामान भन्सार पास भएकोमा ६ ट्रक सामान चीन पुगेको छ । भण्डारीका अनुसार ती वस्तुको भन्सार पास एक हप्ता अघि नै भएको थियो। कोभिड महामारीका कारण २०७६ चैतमा सरकारले नेपाल भित्रने सबै नाका बन्द गरेको थियो । त्यसयता चिनले सो नाकाबाट नेपाली वस्तुको निर्यात ठप्प बनायको थियो ।

भन्सार कार्यालयका अनुसार तत्कालका लागि रसुवागढी नाका मात्रै खुलेको हो। सिन्धुपाल्चोकको नाका भने नेपाली वस्तु निर्यातका लागि अझै बन्द छ । यो नाकाबाट आयात भने भइरहेको छ। नेपालमा पुष्पकमल दाहाल प्रचण्ड नेतृत्वको बाम कम्युनिष्ट सरकार निर्माण भए लगत्तै नाका खुल्नुलाइृ अर्थपुर्ण तरिकाले हेरिएको छ ।