काठमाडौं- नेपालले पाकिस्तानविरुद्धको मैत्रीपूर्ण खेलमा जित हासिल गरेको छ ।त्रिपुरेश्वरस्थित दशरथ रंगशालामा बुधबार भएको खेलमा नेपालले पाकिस्तानलाई १-० गोल अन्तरले हराएको हो ।

नेपाललाई जित दिलाउन अन्जन विष्टले निर्णायक गोल गरे ।पहिलो हाफ गोलरहित बराबरीमा सकिएको खेलको ८२ औं मिनेटमा अन्जनले गोल गरेका हुन् । अन्जनले सुनिल बलको लामो पासमा उत्कृष्ट गोल गरे ।

अन्जनको यो ११ औं अन्तराष्टि्य गोल हो । अन्जन सर्वाधिक गोलकर्ता हरि खड्का र निराजन राइमाझी भन्दा दुई गोलले पछि रहेका छन् ।