काठमाडौं – पछिल्लो चौबीस घण्टामा नेपालभर ४४ संक्रमित थपिएका छन् । स्वास्थ्य तथा जनसंख्या मन्त्रालयका अनुसार आज संक्रमणबाट शून्य जनाको मृत्यु भएको छ ।

मन्त्रालयका अनुसार २ हजार २२२ जनाको नमुना परीक्षण गर्दा ४४ जनामा कोरोना संक्रमण देखिएको हो । ५७९ जनाको पीसीआर परीक्षण गर्दा ३५ जनामा र १ हजार ६४३ सय जनाको एन्टिजेन परीक्षण गर्दा ९ जनामा कोरोना संक्रमण पुष्टि भएको मन्त्रालयले नियमित बुलेटिनमार्फत जनाएको हो ।

मन्त्रालयका अनुसार पछिल्लो चौबीस घण्टामा २९ कोरोना संक्रमित निको भएका छन् । नेपालभर अहिले सक्रिय कोरोना संक्रमितको संख्या भने ५७५ पुगेको छ।