काठमाडौं – देशभर पछिल्लो २४ घण्टामा थप २२ जनामा कोरोना सङ्क्रमण पुष्टि भएको छ । पछिल्लो २४ घण्टामा १ हजार ७ सय ६१ जनाको नमूना परीक्षण गरिएको थियो ।

१ हजार ३ सय जनाको पीसीआर र ४ सय ६१ जनाको एन्टीजेन विधिबाट परीक्षण गर्दा २२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

आइतबार २३ जना संक्रमित संक्रमणमुक्त भएका छन् भने देशभर ५ सय ७० जना सक्रिय संक्रमित रहेका छन् । त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।