काठमाडौं – आइतबार सुन र चाँदीको मूल्य घटेको छ ।
नेपाल सुन चाँदी व्यवसायी महासंघका अनुसार सुनको मूल्य तोलामा एक हजार र चाँदीको मूल्य तोलामा ३० रुपैयाँले घटेको छ ।

आज छापावाल सुनको मूल्य ९१ हजार ८ सय, तेजावी सुनको मूल्य ९१ हजार ३ सय र चाँदीको मूल्य ११ सय ७० रुपैयाँ प्रतितोला कायम भएको छ ।

शुक्रबार ९२ हजार ८ सय रुपैयाँमा छापावाल, ९२ हजार ३ सय रुपैयाँ तेजावी र १२ सय रुपैयाँमा खरिद बिक्री भएको थियो । डलरको मूल्य मजबुत बन्दै जाँदा सुनमा हुने लगानी खुम्चिंदा सुनको मूल्यमा गिरावट आएको सुनचाँदी व्यवसायी महासंघको भनाइ छ ।