काठमाडौं – पछिल्लो २४ घण्टामा नेपालभर १७९ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार आज कोरोना संक्रमणबाट १ जनाको मृत्यु भएको छ।

मन्त्रालयका अनुसार ४ हजार ९५९ जनाको नमुना परीक्षण गर्दा १७९ जनामा कोरोना संक्रमण देखिएको हो । २ हजार ६०० जनाको पीसीआर परीक्षण गर्दा १२७ जनामा र २ हजार ३५९ जनाको एन्टिजेन परीक्षण गर्दा ५२ जनामा कोरोना संक्रमण पुष्टि भएको मन्त्रालयले नियमित बुलेटिनमार्फत जनाएको हो।

मन्त्रालयका अनुसार पछिल्लो चौबीस घण्टामा १७१ कोरोना संक्रमित निको भएका छन्। नेपालभर अहिले सक्रिय कोरोना संक्रमितको संख्या भने २ हजार २७१ पुगेको छ।