काठमाडौं – नेपालमा गत चौबीस घण्टामा ३३५ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट १ हजार ८८ जनाको पीसीआर विधिबाट परीक्षण गर्दा २१६ जनामा संक्रमण पुष्टि भएको छ ।

यस्तै १ हजार ९०८ जनाको एन्टीजेन विधिबाट परीक्षण गर्दा ११९ जनामा कोरोना संक्रमण देखिएको छ । नेपालमा हाल २ हजार ९७१ जना सक्रिय संक्रमित छन् ।

त्यस्तै, गत चौबीस घण्टामा थप ८६ जना कोरोना भाइरस संक्रमण मुक्त भई डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ६८ हजार ३९४ जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ५ प्रतिशत छ ।