जाजरकोट – नेकपा एमालेका कार्यकर्ताले जाजरकोटमा स्थानीय पत्रकारमाथि कुटपिट गरी दाँत झारिदिएका छन् ।

भेरी खवर डट कममा कार्यरत पत्रकार काँशीराम न्यौपानेमाथि एमाले कार्यकर्ताले आक्रमण गरेका हुन् । मजकोटमा रहेका न्यौपानेमाथि एमाले समर्थक प्रेमवहादुर वस्नेतको समुहले ढुङगा प्रहार गर्दा न्यौपानेको ४ वटा दाँत झरेका छन् ।

पत्रकारमाथि माओवादीको आरोप लगाउँदै आक्रमण गर्नु राजनीतिक संस्कार नभएर जंगली प्रवृती भएको प्रेस सेन्टर जाजरकोटले जनाएको छ ।

चित्त नवुझेका कुरा छलफल गरि समाधान गर्नुका साटो आक्रमण गरि ज्यान लिने उदेश्य राख्नु जंगली प्रवृती भएको प्रेस सेन्टर नेपाल जाजरकोटका अध्यक्ष हेमन्त केसीे निकालेको विज्ञप्तिमा उल्लेख छ । केसीले दोषीमाथी कारवाहीको माग गरेका छन् ।