काठमाडौं – नेपालमा गत चौबीस घण्टामा जम्मा ६२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट १ हजार ८ जनाको पीसीआर विधिबाट परीक्षण गर्दा ५१ जनामा संक्रमण पुष्टि भएको छ । यस्तै ६१२ जनाको एन्टीजेन विधिबाट परीक्षण गर्दा ११ जनामा कोरोना संक्रमण देखिएको छ । नेपालमा हाल २६१ जना सक्रिय संक्रमित छन् ।

त्यस्तै, गत चौबीस घण्टामा थप १९ जना कोरोना भाइरस संक्रमण मुक्त भई डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ६७ हजार ३७२ जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ८ प्रतिशत छ । त्यस्तै, गत चौबीस घण्टामा थप १ लाख ८४ हजार ५४५ जनाले कोरोना भाइरसविरुद्धको खोप लगाएका छन् ।