अमेरिकाको ह्युस्टन स्थित मौसा क्रिकेट मैदानमा हुने खेल नेपाली समय अनुसार राती साँढे नौं बजेबाट खेल सुरु हुनेछ । जारी लिग टु को शिर्ष स्थानमा रहेको ओमानका लागि यो सिरिज अन्तिम हुनेछ । जारी अंक तालिकाको शिर्ष स्थानमा रहेको ओमानले अहिलेसमम ३३ खेलबाट ४० अंक बनाएको छ । लिग टु को साइकलमा धेरै खेल खेल्ने टिममा रहेको ओमानलाई यो सिरिजमा एक खेल जितेपनि शिर्ष तीनको यात्रा पक्का हुनेछ ।

जारी प्रतियोगितामा सबै भन्दा कम खेल खेल्ने टिममा नेपाल रहेको उसले १२ खेलमा १२ अंक बनाएको छ । जसमा ६ खेलमा जित निकाल्दा ६ खेलमा हारेको छ । लिग टु मा नेपालले ओमानसँग अहिलेसम्म चार खेल खेल्दा तीन खेलमा हार ब्यहोरेको छ भने एक खेलमा मात्र जित निकालेको छ । घरेलु मैदानमा २०२० मा भएको सिरिजमा नेपालले दुई खेलमा हार ब्यहोरेको थियो भने ओमानमा नै भएको सिरिजमा एक खेलमा हारेको थियो ।

पछिल्लो पटक ओमानको टिम केहि परिवर्तनको मोडमा देखिएको छ । किनकी पछिल्लो पटकका नतिजाले टिममा खेलाडीको कम्बिनेसनमा केहि समस्या देखिएको छ । ओमानले अमेरिकामा घरेलु टिमसँग खेल्दा एक सय १४ रनको हार ब्यहोरेको छ । जसका कारण पनि नेपाली टिमलाई ओमानको कमजोरीको फाइदा हुनसक्छ ।

यता नेपाली टिमले ओमानविरुद्धको खेलबाट नै विजयी सुरुवात गर्ने योजना बनाएको छ । नेपाली टिमले ओमानसँगको खेल अगाडी पुर्ण रुपमा प्रशिक्षण भने गरेन । ह्युस्टनको गर्मीले पनि दुबै टिमका खेलाडीका केहि फरक पर्ने देखिएको छ किनकी प्रचण्ड गर्मीमा खेलाडीलाई खेल्न केहि चुनौती पक्कै हुनेछ ।

नेपाली टिममा ओमानविरुद्धको खेलमा ओपनिङ जोडीमा परिवर्तन हुने देखिएको छ । नियमित ओपनर आशिफ शेख फिट छैनन् भने कुशल भुर्तेल भने निको हुने क्रममा छन । त्यसैले प्रशिक्षक पुबुदुले नयाँ विकल्प लगाउने संभावना छ ।

जसमा सुवास खकुरेल र सुनील धमला बिकल्पमा रहेका छन । जारी लिग टु मा छैटौं स्थानमा रहेको नेपाल भन्दा अगाडी नामिबिया, अमेरिका, युएई, स्कटल्याण्ड छन । अमेरिका सिरिजमा चार खेलमा चारमा नै जित निकाल्न सकेको खण्डमा नेपालले शिर्ष तीनका लागि आफुलाई दावेदारका रुपमा उभ्याउनेछ ।