नेपाली कांग्रेसले गठबन्धन गर्दा पाएका ३ वटा महानगरपालिकाका उम्मेदवार टुं‌ग्याएकाे छ । का‌ंग्रेसले काठमाडाैं, ललितपुर र विराटनगर महानगरपालिका पाएकाे थियाे ।

काठमाडौं महानगरपालिकाको मेयरमा सिर्जना सिंहलाई उम्मेदवार बनाउने भएको छ ।  नेविसंघ, महिला संघ हुँदै पार्टी राजनीतिमा सक्रिय सिंह सत्तारुढ पाँच दलीय गठबन्धनकै साझा उम्मेदवार बनेकी छिन् ।

उता, विराटनगर महानगरपालिकाको मेयरमा भने नागेश कोइरालालाई उम्मेदवार बनाउने निर्णय कांग्रेसले गरेको छ ।

ललितपुर महानगरपालिकामा भने वर्तमान मेयर चिरिबाबु महर्जनलाई नै उम्मेदवार बनाउने निर्णय कांग्रेसले गरेको छ । कांग्रेस केन्द्रीय संसदीय समितिले महानगरको मेयर र उपमेयरको टिकट टुग्गो गर्ने अधिकार सभापति देउवालाई दिएको थियो ।