काठमाण्डौँ । गायक राजन कार्की र गायिका अस्मिता डल्लाकोटीले दोहोरी गीत ‘दिलमा बसेकी’ बजारमा ल्याएका छन् । कार्कीको शब्द र भाकामा तयार भएको गीतमा राजन र अस्मिताको स्वर रेकर्ड छ ।

पुर्ण संयोगको एरेन्ज रहेको गीत काठमाण्डौँको मुर्चुङगा रेकर्डिङ र पोखराको डिजिटल स्टार स्टुडियोमा रेकर्ड गरिएको हो ।

प्रकाश भट्टको निर्देशनमा तयार भएको गीतको भिडियोमा विजय पुन र गायिका अस्मिताले स्कृन शेयर गरेका छन् । साई भिजनको व्यानरमा पोष्ट प्रोडक्सन भएको भिडियोमा नवराज उप्रेतिले क्यामरा चलाएका छन् भने विष्णु शर्माले सम्पादन गरेका छन् ।

सजर्क तथा गायक राजन कार्कीको यो पछिल्लो सृजना हो । उनको ‘कस्लाई दिनु दोष’, ‘आँशु नझार’, ‘मेरी आमा’, ‘पान खायो मायाले’, ‘चाडवाडमा’, ‘सुर्ती माडेर’ लगायतका गीत लोकप्रिय छन् । कार्कीको संगीतमा रि–रेकर्डिङ गरिएको ‘तिमि सँग नजर जुधाई’ बोलको आधुनिक गीत पनि बजारमा छ ।

गायिका अस्मिता ‘दोहोरी च्याम्पियन’बाट उदाएकी हुन् । उनी अहिले लाइभ दोहोरीमा रुचाइएको गायिका हुन् । उनको ‘चौतारीमा बरको छाँया’ बोलको अर्को दोहोरी गीत पनि बजारमा छ ।