काठमाडौं । भोइस अफ नेपाल सिजन १ का विजेता गायक सिडी विजय अधिकारीले संगीतबद्ध गरेको कवाली शैलीको म्युजिक भिडियो सार्वजनिक भएको छ ।

यस गीतमा प्रतिभाशाली युवा गायक वीरेन रसाइलीको स्वर रहेको छ । दिलीप घिमिरेको सुन्दर शब्दमा रहेको यस गीतलाई देवेन्द्र नेवाले संगीत संयोजन गरेका हुन् । म्युजिक भिडियोमा जीवन भट्टराई, अञ्जना दुवाडीबीचको अन्स्क्रिन प्रेम र रोमान्सलाई प्रस्तुत गरिएको छ ।

भिडियोमा अमिशा सुवेदीसमेत फिचर्ड छिन् । ताज प्लालेसमा छायांकन गरिएको यस भिडियोलाई उत्सव दाहालले खिचेका हुन् । भिडियोमा सन्तोष राजवाहकको कोरियोग्राफी रहेको छ । विकास दाहालले सम्पादन गरेको यस भिडियोलाई प्रकाश धितालको निर्देशनमा तयार पारिएको हो ।

ओएसआर डिजिटलमार्फत भिडियो सार्वजनिक गरिएको हो ।